

D2192

།ཟབ་མོ་སྒྲུབ་ཐབས་འདི་བྲིས་པས། །འདིར་འཇུག་གསང་བདག་འགྲུབ་པར་ཤོག་།ཕྱག་ན་རྡོ་རྗེའི་ལམ་ཡན་ལག་བརྒྱད་པ་ཞེས་བྱ་བ། འཕགས་པ་ཀླུ་སྒྲུབ་ཀྱི་ཞལ་སྔ་ནས་མཛད་པ་རྫོགས་སོ། །[་]@##། །རྒྱ་གར་སྐད་དུ། །མ་ཧཱ་ ཡཀྵ་སེ་ནཱ་པ་ཏི་ནཱི་ལཱཾ་པ་ར་དྷ་ར་བཛྲ་པཱ་ཎི་ག་རུ་ཌ་སཱ་དྷ་ནཾ།བོད་སྐད་དུ། གནོད་སྦྱིན་གྱི་སྡེ་དཔོན་ཆེན་པོ་ལག་ན་རྡོ་རྗེ་གོས་སྔོན་པོ་ཅན་དང་། བྱ་ཁྱུང་གི་སྒྲུབ་ཐབས། དཔལ་རྡོ་རྗེ་མཁའ་འགྲོ་ལ་ཕྱག་འཚལ་ལོ། །རྡོ་རྗེ་མཁའ་འགྲོའི་རྒྱུད་དང་ནི། །གསེར་མིག་འཁྱིལ་བའི་ རྒྱུད་དག་ལ།།བརྟེན་ནས་ནང་གི་སྒྲུབ་ཐབས་འདི། །བདག་གིས་དྲན་ཕྱིར་བཤད་པར་བྱ། །ལྷ་ཡི་རྣལ་འབྱོར་ཡུད་ཙམ་བསམ། །རང་གི་སྙིང་གར་ཟླ་དཀྱིལ་བསམ། །དེ་ཡི་སྟེང་དུ་ཧཱུཾ་ཡིག་བསམ། །ཧཱུཾ་ལས་འོད་ཟེར་འཕྲོས་པ་ཡིས། །ཕྱི་ནང་གསལ་ནས་འོད་ཟེར་འཕྲོས། ། བླ་མ་དང་ནི་གོས་སྔོན་ཅན། །དཀོན་མཆོག་ལ་སོགས་སྤྱན་དྲངས་ནས། །ཕྱག་འཚལ་མཆོད་ཅིང་བཤགས་པ་དང་། །རྗེས་སུ་ཡི་རང་བསྐུལ་ཞིང་གསོལ། །སྐྱབས་འགྲོ་ལུས་དབུལ་དགེ་རྩ་བསྔོ་། །ཚད་མེད་བཞི་ཡང་བསྒོམ་པར་བྱ། །དེ་ནས་སྟོང་པའི་ཏིང་འཛིན་བསྒོམ། ། དེ་ན་འོད་དཔུང་ཚུལ་དུ་བདག་།དེ་ཡི་ནང་དུ་ཧཱུཾ་གནས་པ། །དེ་ལས་ཛཿའཕྲོས་འཁོར་ལོར་གྱུར། །ལྟེ་བར་ཉི་བསམ་ཧཱུཾ་དེ་ཉིད། །དེ་ནས་གནོད་མཛེས་རྒྱལ་པོར་གྱུར། །ཐུགས་ཀའི་ཧཱུཾ་གི་འཕྲོ་འདུ་ལས། །ཁྲོ་བོ་ཆེན་པོ་བཅུ་རུ་གྱུར། །ཧཱུཾ་བཞིའི་གསང་སྔགས་བརྗོད་པ་ཡིས། ། ཁྲོ་ཆུའི་སྤྲུལ་བས་གདུག་པ་བཀུག་།སྐུ་གསུང་ཐུགས་ཀྱི་ཕུར་པ་བཏབ། །བཏུལ་ཞིང་སྦྱངས་ནས་ནམ་མཁར་གྱུར། །དེ་ནས་ཧཱུཾ་གི་འཕྲོ་འདུ་ལས། །རྡོ་རྗེའི་གུར་དང་ར་བ་དང་། །དྲ་བ་ཉིད་དུ་གྱུར་པའོ། །ཧཱུཾ་གི་འཕྲོ་འདུས་སླར་ལ་ཞུ། །སྟོང་པ་ཉིད་ལས་འོད་དཔུང་བྱུང་། །དེ་ལས་ཉི ཟླ་ཁ་སྦྱར་གྱུར།།ཱ་ལི་ཀཱ་ལི་ཉི་ཟླས་བརྒྱན། །དབུས་སུ་ཨཿདང་ཧཱུཾ་སྦྱར་ཏེ། །ཁ་དོག་དཀར་དམར་ཉིད་དུ་གྱུར། །འོད་ཟེར་དཀར་དམར་འཕྲོ་འདུ་ལས། །ཞུ་བས་རྡོ་རྗེ་པདྨར་གྱུར། །པད་ལྟེར་རྡོ་རྗེ་རྐེད་ནུབ་ཙམ། །ལྟེ་བ་གཉིས་ལ་སྙིང་པོས་བསྐོར། །དེ་ཉིད་ངོ་བོ་ཐུགས་དང་ གསུང་།།གཉིས་ཀས་སྐུ་གསུང་བྱིན་གྱིས་བརླབ། །དེ་ཉིད་འོད་དུ་ཞུ་བ་ལས། །རྡོ་རྗེ་ལས་ནི་ཁྲོ་བོར་གྱུར། །པདྨ་ལས་ནི་ཁྲོ་མོར་གྱུར། །ཁྲོ་བོ་རྡོ་རྗེ་གོས་སྔོན་ནི། །སྐུ་མདོག་མཐིང་ནག་ཞལ་གཅིག་པ། །ཕྱག་གཉིས་རྡོ་རྗེ་དྲིལ་བུ་བསྣམས། །མཆེ་བ་གཙིགས་ཤིང་སྤྱན་ གསུམ་དམར།།རལ་པ་ཁམ་ནག་གྱེན་དུ་འཁྱིལ། །ཕྱག་རྒྱ་དྲུག་དང་ཡང་དག་ལྡན། །ཞབས་གཉིས་བརྐྱང་བསྐུམ་འཁྲིལ་བའི་ཚུལ། །མདུན་དུ་རྡོ་རྗེ་ཕག་མོ་ནི། །སྐུ་མདོག་དམར་མོ་ཞལ་གཅིག་མ། །གཡས་པ་རྡོ་རྗེ་གྲི་གུག་བསྣམས། །གཡོན་པ་བྷན་དྷ་དམར་གྱིས་ བཀང་།།གཅེར་བུ་སྤྱན་གསུམ་དབུ་སྐྲ་བརྫེས། །ཕྱག་རྒྱ་དྲུག་དང་ཡང་དག་ལྡན། །གདན་དུ་རྡོ་རྗེ་རྒྱ་གྲམ་བསམ། །ོཾ་ཧཱུཾ་ཏྲཱཾ་ཧྲཱིཿ་ཨཿ། ཨེ་ཝཾ་མཱ་ཡ། ཧཱུཾ་སྭད་ཧྲཱིཿ་ཨཱཿ་ཛཿཧཱུཾ་བཾ་ཧོཿ། ཨོཾ་ཨཱཿ་ཧཱུཾ་ས་མ་ཡ་སྟྭཾ། ཨོཾ་ཨཱཿཧཱུཾ་ས་མ་ཡ་ཛཿ། ཨོཾ་ཨཱཿ་ཧཱུཾ་ས་མ་ཡ་ཨཱཿ། བུདྡྷ་ག་རུ་ཌ་ཨོཾ། བཛྲ་ག་རུ་ཌ་ ཧཱུཾ།རཏྣ་ག་རུ་ཌ་ཏྲཱཾ། པདྨ་ག་རུ་ཌ་ཧྲཱིཿ། ཀརྨ་ག་རུ་ཌ་ཨཿ། ཨེ་པུཥྤ་ག་རུ་ཌ། ཝཾ་དྷཱུ་པ་ག་རུ་ཌ། མཱ་ཨཱ་ལོ་ཀེ་ག་རུ་ཌ། ཡ་གནྡྷ་ག་རུ་ཌ། ག་རུ་ཌ་ཡཀྵ། ག་རུ་ཌ་ཡ་མ། ག་རུ་ཌ་ཧུ་ལུ། ག་རུ་ཌ་ཙི་ནྡ། ཛཿག་རུ་ཌ། ཧཱུཾ་ག་རུ་ཌ། བཾ་ག་རུ་ཌ། ཧོཿག་རུ་ཌ། ཡབ་ཀྱི་གོ་ཆའོ། །ོཾ་བཾ། ཧཾ་ཨོཾ། ཧྲི་ནོཾ། ཧྲོ་ཧྲི། ཧཱུཾ་ཧཱུཾ། ཕཊ་ཕཊ། ཡུམ་གྱི་གོ་ཆའོ། །ཐུགས་ཀའི་འོད་ཟེར་འཕྲོས་པ་ཡིས། །ཡེ་ཤེས་སེམས་དཔའ་སྤྱན་དྲངས་ལ། །ཕྱི་ནང་བདུད་རྩི་བཅས་པས་མཆོད། །ཛཿཧཱུཾ་བཾ་ཧོཿབཅས་པས་བཅིང་། །བདུད་རྩི་བུམ་པས་དབང་བསྐུར་བས་རིགས་ཀྱི་གཙོ་བོས་དབུ བརྒྱན་བསམ།།དེ་ནི་བསྐྱེད་པའི་རིམ་པའོ། །ཐིག་ལེ་གེ་སར་བཅས་པའི་དབུས། །ཱ་ལི་ཀཱ་ལི་ཡང་དག་ལྡན། །དེ་ཡི་དབུས་ན་གནས་པའི་ལྷ། །དར་དཀར་ཕྲ་བའི་སྐུད་པ་ཙམ། །དེ་ལས་བསམ་གྱིས་མི་ཁྱབ་བསམ། །བསམ་གྱིས་མི་ཁྱབ་དེ་བསམས་ནས། །དེ་ལས་གཟུགས་ སྐུ་རྣམ་གཉིས་འགྱུར།།དང་པོ་རྣལ་འབྱོར་ལུང་གིས་བརྒྱན། །དེ་ནས་ཆོས་ཀྱི་དབྱིངས་སུ་ཐིམ། །ཕག་མོའི་དེ་ཁོ་ན་ཉིད་ནི། །ཕག་ཞལ་དོན་དམ་དངོས་པོ་མེད། །ཀུན་རྫོགས་ཁྲོ་ཞལ་མཚོན་པ་ལ། །བྱ་ནི་གསལ་བའི་ཐབས་ཡིན་ཏེ། །ཁྱུང་ནི་གསལ་བ་དངོས་མེད་ཡིན། ། ག་ནི་གང་དུ་མི་གནས་ཏེ། །རུ་ནི་ཚོགས་དང་བྲལ་བ་ཉིད། །བྱ་ནི་གཟུགས་སྐུ་རྣམ་གཉིས་ཏེ། །ཁྱུང་ནི་རང་བཞིན་འོད་གསལ་བས། །གདོད་ནས་དག་པས་ནམ་མཁའ་བཞིན། །རང་སེམས་གདོད་ནས་མ་སྐྱེས་པ། །སྟོང་པ་ཉིད་ཀྱི་རང་བཞིན་ནོ། །ོཾ་བཛྲ ཙཎྜ་མ་ཧཱ་རོ་ཥ་ཎ་ཧཱུཾ།བཛྲ་ག་རུ་ཌ་ཧཱུཾ་ཧཱུཾ་ཕཊ་ཕཊ། མཱ་ར་ཡ་མཱ་ར་ཡ། སྥོ་ཊ་ཡ་སྥོ་ཊ་ཡ། བཛྲ་པཱ་ཎི་ག་རུ་ཌ་བེ་ག་ཧཱུཾ་ཧཱུཾ་ཛཿཛཿར་ཙེ་པྲེ་ཙི་ཧཱུཾ་ཕཊ། ཨོཾ་བཛྲ་ཌཱ་ཀི་ནཱི་ཧཱུཾ་ཧཱུཾ་ཕཊ། ཡུམ་གྱི་སྙིང་པོའོ། །ཛཿཧཱུཾ་དར་མ་ཤཾ་ག་ཀི་ནི་ད་རི། དར་མ་ཧེ་ཤ་དྷུ་དྷུ་ར། རཏྣ་ཏེ་ཤཾ་ཀ་རི། དར་མ་ ཏི་ཤ་ཙ་ཀ་ར།དར་མ་ཏེ་ཤ་ས་མ་ཡ། སྤུ་ཏ་ཡ་སྤུ་ཏ་ཡ། ཏེ་པ་ཏེ་པ་ཁ་ཁ་རཾ། ཏེ་པ་ཏེ་པ་ཙ་ཀ་རི། ཏེ་པ་ཏེ་པ་མུན་དུ་རི། ཏེ་པ་ཏེ་པ་བྲྦུདྡྷོ་ཏ་ར། ཏེ་པ་ཏེ་པ་ས་མུ་ས་མུཉྫ། ཙ་ཁ་མུན་དུར་ཁྱེ། བཛྲ་ཙ་ན་རན་ཛ་ཛཿབཛྲ་ཙ་མུནྡྷ་ར་ཛཿབཛྲ་ཁ་མུནྡྷ་ར་ཛཿ། ཏེ་ཤ་མུན་དུ་ར་ནཾ། ཛུ་རུ་ཛུ་རུ་རཾ། ཛུ་རུ་ཛུ་ རུ་མུན་བཛྲ།ཛཿཧཱུཾ་རྡོ་རྗེ་ཀ་ཆེན་བསྐྱོད། རྡོ་རྗེ་དྲག་པོ་བསྐྱོད། །རྡོ་རྗེ་མཐའ་ཡས་བསྐྱོད། རྡོ་རྗེ་མཐར་ཐུག་བསྐྱོད། ཁ་ཛ་ར་ཛ་མུན་དུར་ཁྱེ། པདྨ་རན་ཁ་ཛ་ར་ཛ་མུན་དུར་ཁྱེ། ཁ་ཛ་ར་ཛ་མུན་དུ་ར་ར་ས་མུཉྫ། ཨོཾ་ཌཱ་ཀི་ནཱི་ཛཿསྤྱན་དྲངས་པའི་སྔགས་སོ། །ོཾ་ཀཱ་ཡ་བཱཀ་ཙིཏྟ། ཨི་དཾ་བ་ལིཾ་ བྷུཉྫ་ཛ་ཀ་ལ་ཕུལླ་དྷཱུ་པ་མཱ་ས།སེ་ས་ཁ་ན་དི། ཏེ་ཀ་ཀ་ཏོ། ཨོཾ་ཨ་མྲྀ་ཏ་པ་ཏི་ཛཿཀ་ས་ཀ་རུ། པཱུ་ཛ་ཁཱ་ཧི་པུཥྤ། ཨཱ་ལོ་ཀེ་། གནྡྷེ། ནཻ་བེ་དྱ། ཀ་ས་ཀ་རུ་པཱུ་ཛ་ཁཱ་ཧི་ནཱ་ག་པུ་ཨ་དྷི་པ་ཏི། ཀ་ས་ཀ་རུ་པཱུ་ཛ་ཁཱ་ཧི། ཨོཾ་ཨཱཿཧཱུཾ། ཨ་ཀཱ་ཧཱུཾ། ཨ་ཀཱ་རོ་མུ་ཁཾ་སརྦ་དྷ་རྨྨཱ་ཎཱཾ། ཨཱ་དྱ་ནུཏྤནྣ་ཏ+འྭ་ཏ་ཨོཾ་ ཨཱཿཧཱུཾ།གཏོར་མ་བསྟབས་པའི་སྔགས་སོ། །ཀ་ཀ་རཀྵ། ཧཱུཾ་ཧཱུཾ་སྟྱོཾ་བྷྱོཾ་ཛཿཛཿ། ཁ་ཁ་ཏེ་ཤ་རཀྵ། ཧཱུཾཧཱུཾསྟྱོཾ་བྷྱོཾ་ཛཿ། ཁ་ཁ་ཁ་ཙ་བ་རཀྵ། ཧཱུཾ་ཧཱུཾ་སྟྱོཾ་བྷྱོཾ་ཛཿ། ཁ་ཁ་ཁ་ཙ་ཁ་རཀྵ། ཧཱུཾ་ཧཱུཾ་སྟྱོཾ་བྷྱོཾ་ཛཿ། ཁ་ཁ་ཁ་མུ་དུ་རཀྵ། ཧཱུཾ་ཧཱུཾ་སྟྱོཾ་བྷྱོཾ་ཛཿ། ཁ་ཁ་ཁ།། ཛཿཧཱུཾ་བཾ་ཧོཿ་གདོན་ཕྱག་རྒྱས་དགུག་པའི་ སྔགས་སོ།།ཀ་ཀ་རཀྵ་ས་མ་ཡ། སྤུ་ཏ་ཡ། སྤུ་དྷ་ར། ཙ་ག་རཀྵ་ས་མ་ཡ། དུ་ཏ་ཡ་སད་ཏ་ར། མུ་དུ་རཀྵ་ས་མ་ཡ། སྤུ་ཏ་ཡ་སྤུ་ཏ་ར། གདོན་གཤེད་མ་དང་འབྲལ་བའི་སྔགས་སོ། །ཧཱུཾ་ཧྲིལ་ཧྲིལ་དིམ་དིམ་ཀུན་ཕོབ་ཕོབ་ཤར་ཤར་དི་རི་དི་རི་རྦད། ཁ་ཐཾ་ཐཾ་ཐུམ། ཛ་རེ་ཛ་རེ་བྷྱོ་ ཧ་ས་ཧ་ས།ཏེ་པ་ཏེ་པ། ཏྲི་ཏ་ཧ་ཏྲི་ཏ་ཧ། ཏྲི་ཁུག་ཏྲི་ཁུག་།ཚལ་པ་ཚལ་པ། སྲོག་ཚིག་ནན་རྦད། ལུས་རྡུལ་མཱ་ར་ཡ་རྦད། རཾ་རཾ་ཛ་ལ་ཛ་ལ། ཤིག་ཤིག་རྡུལ་བུན་རྦད་སོད། ནཱ་ག་སརྦ་ག་རུ་ཌ་ཁཱ་ཧི། སྤྱི་དྲིལ་བའི་སྔགས་སོ། །ོཾ་ན་མོ་བུ་དྡྷཱ་ཡ། ཀཱི་ལི་མི་ལི་ཙནྟ་ན་ག་བནྡྷ་ཡ་སྭཱ་ཧཱ། ཕུར་པའི་སྔགས་སོ། །ར་ལི་ཧུར་ཧུར་ཐུམ་བྷྱོ་དྷ་ཤ་ཧུར་ཐུམ་བྷྱོ། མ་མ་ཤི་བྷྱོ། སརྦ་ག་རུ་སེར་བ་ལ་བྷྱོ། སེར་བ་བཟློག་པའི་སྔགས་སོ། །ོཾ་བེ་ར་བེ་ར་བཛྲ་དྷ་རི་ཡེ་སྭཱ་ཧཱ། རིམས་ནད་བསྲུང་བའི་སྔགས་སོ། །ཧཱུཾ་དི་རི་དི་རི་ག་རུ་ཌ་བྷྱོ་ཧཱུཾ་ཧཱུཾ་ཛཿཛཿ། ཨེ་ཨ་རི་ལི་ཧྲི་བྷྱོ། འཁོར གྱི་ཀླུ་ཞི་བར་བྱེད་པའི་སྔགས་སོ།།ཧཱུཾ་ཛུ་ཏི་ཏིང་ཏིང་ཏེག་ཏེག་ཧོ་ཧོ། ཧཱུཾ་སྟོ་བྷྱོ། གཏད་འདོན་པའི་སྔགས་སོ། །ཏྲི་ནཾ་མཱ་ར་ཡ་ཧཱུཾ་ཕཊ། འབྱུང་པོ་སྐྲོད་པའི་སྔགས་སོ། །བདག་གིས་སྒྲུབ་ཐབས་འདི་བརྩམས་པས། །བདག་དང་མཐའ་ཡས་སེམས་ཅན་རྣམས། །འདི་ལ་བརྟེན་ པའི་རྣལ་འབྱོར་རྣམས།།ཕྱག་རྒྱ་ཆེན་པོ་ཐོབ་པར་ཤོག་།རྡོ་རྗེ་སྐོར་གྱི་ནང་སྒྲུབ་ཡིད་བཞིན་གྱི་ནོར་བུ་ཞེས་བྱ་བ། ཕྱག་ན་རྡོ་རྗེ་ཞལ་མངོན་སུམ་དུ་གཟིགས་པ་སློབ་དཔོན་ལས་ཀྱི་རྡོ་རྗེས་མཛད་པ་རྫོགས་སོ།། །།རྒྱ་གར་གྱི་མཁན་པོ་ཝ་ལ་ཙནྟྲ་དང་། ལོ་ཙཱ་བ་གླན་ཆུང་དར་མ་ཚུལ་ཁྲིམས་ ་ཀྱིས་བསྒྱུར་ཅིང་གཏན་ལ་ཕབ་པའོ།